عـشـاق المــريــــخ 1908 (عــالــم جــمــيل)
زائرنا الكريم ** المنتدي مفتوح للجميع
يمكن لك المشاركة و الردعلي كل المواضيع مع احترام القوانيين ... كما يمكن لك التسجيل وشرف العضوية من خلال النافذ ادناه
عـشـاق المــريــــخ 1908 (عــالــم جــمــيل)
زائرنا الكريم ** المنتدي مفتوح للجميع
يمكن لك المشاركة و الردعلي كل المواضيع مع احترام القوانيين ... كما يمكن لك التسجيل وشرف العضوية من خلال النافذ ادناه
عـشـاق المــريــــخ 1908 (عــالــم جــمــيل)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عـشـاق المــريــــخ 1908 (عــالــم جــمــيل)

من غيـرنا يعطي لهذا الشعب معني ان يعيش و ينتصر (مبروك مرور 100 عام )
 
دخولالتسجيلباب الـزعيمالرئيسيةأحدث الصور

 تم أفتتاح  مــوقع  منتدي الزعــيم  دوت كــوم {ww.alzaeemsd.com  } سنسابق قـرص الشمس نحــو غد أفـــضل *** نــافذة أعــلامــيــة . سودانية . عــربيــة . عالــمي .

منتدي العشاق :.:.:  كان ومازال موت إيداهو جرحاً في القلب يأبي أن يندمل.. ودمعة في العين تأبى أن تجف.. لكن آن للجرح أن يندمل، وللدموع أن تجف حتى وإن كان ذلك صعباً لكن لابد مما ليس منه بُد ....&&& سنتألم  والمريخ يلعب بدونك كل مباراة   يا إيداهو.. لن نشعر بطعم الهدف في غيابك.. ولن يطربنا الإنتصار  حتي نحقق المحال &&& ألعبوا بقوة وحماس وحاولوا أن تتركوا أحزانكم خارج الميدان.. حتى تعودوا الى دياركم بالممتاز و كاس الابطال { الاميرة الافريقية }  التي كانت كل اماني الراحل العزيز تحقيقها .

نحن المريخاب.. أسياد الجلد والراس، أهل الكؤوس الجوية والبطولات الخارجية والإنجازات التاريخية، والأرقام القياسية، أبطال جوبا وموانزا ومانديلا والشارقة.* مريخاب نحمد من حبانا بكل الأرقام القياسية في عالم الكرة السودانية، لذلك لن نستكين لليأس و نخرج مع صباح الغد نحمل قندول البطولات لنهدي الفقيد اجمل كاس كما كان يحب

 من يطلب كاس افريقيا  لا يهاب الادغال  و انتر كلوب الأنغولي بإذن الله  محطة في طريق الابطال في الردكاسل نحن قد التحدي و سوف تحقق المحال  ..   

 تم أفتتاح  مــوقع  منتدي الزعــيم  دوت كــوم {ww.alzaeemsd.com  } سنسابق قـرص الشمس نحــو غد أفـــضل *** نــافذة أعــلامــيــة . سودانية . عــربيــة . عالــمي .

 (رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]
اختار الدولة للتوقيت
Place holder for NS4 only
مواضيع مماثلة
المواضيع الأخيرة
» هل يتأهل المريخ الي الدور الــ 16 من البطولة
كلمات أغاني «مصطفى سيد احمد» Emptyالجمعة 22 مايو 2020, 5:30 am من طرف المستشار

» 1908- يا صفوة 107 عام
كلمات أغاني «مصطفى سيد احمد» Emptyالسبت 24 يناير 2015, 5:59 am من طرف ملك المريخ

» الزعيم يستعين بالعكسيات لعبور الهلال
كلمات أغاني «مصطفى سيد احمد» Emptyالسبت 24 يناير 2015, 5:58 am من طرف ملك المريخ

» الزعيم الإخبارية تنعي الملك عبدالله
كلمات أغاني «مصطفى سيد احمد» Emptyالسبت 24 يناير 2015, 5:54 am من طرف ملك المريخ

»  الأخبار أخبار الزعيم غضب على مدرب الهلال بسبب جمال سالم
كلمات أغاني «مصطفى سيد احمد» Emptyالأربعاء 27 أغسطس 2014, 2:08 am من طرف ملك المريخ

» الهلال يهدد بالانسحاب الكامل من الدوري الممتاز
كلمات أغاني «مصطفى سيد احمد» Emptyالخميس 10 أبريل 2014, 1:12 am من طرف ملك المريخ

» تأجيل مباراة النسور وهلال الفاشر من يوم غداً للجمعة 11 أبريل
كلمات أغاني «مصطفى سيد احمد» Emptyالخميس 10 أبريل 2014, 1:08 am من طرف ملك المريخ

» سائق ركشة يختطف فتاتين بعد تخديرهما في الشارع العام
كلمات أغاني «مصطفى سيد احمد» Emptyالخميس 10 أبريل 2014, 1:07 am من طرف ملك المريخ

» الصحف الرياضية الصادرة اليوم الاربعاء 9 أبريل 2014
كلمات أغاني «مصطفى سيد احمد» Emptyالخميس 10 أبريل 2014, 1:05 am من طرف ملك المريخ

» الــزعيم يضع اللمسات الاخيرة لمواجهة الرابطة
كلمات أغاني «مصطفى سيد احمد» Emptyالخميس 10 أبريل 2014, 1:03 am من طرف ملك المريخ

» أمير كمال - أحمد الباشا - شيمليس غداً من العناصر الاساسية
كلمات أغاني «مصطفى سيد احمد» Emptyالخميس 10 أبريل 2014, 1:02 am من طرف ملك المريخ

» سكرتير المريخ يلتقي الأقطاب والرموز في لقاء جامع مساء اليوم
كلمات أغاني «مصطفى سيد احمد» Emptyالخميس 10 أبريل 2014, 1:00 am من طرف ملك المريخ

» الــزعــيم يستقبل الرابطة كوستي مساء اليوم بالخرطوم
كلمات أغاني «مصطفى سيد احمد» Emptyالخميس 10 أبريل 2014, 12:59 am من طرف ملك المريخ

» بسبب هزيمة النمور ..مجلس الهلال يصدر بيان
كلمات أغاني «مصطفى سيد احمد» Emptyالخميس 10 أبريل 2014, 12:57 am من طرف ملك المريخ

» الهلال يهدد بالانسحاب الكامل من الدوري الممتاز
كلمات أغاني «مصطفى سيد احمد» Emptyالخميس 10 أبريل 2014, 12:56 am من طرف ملك المريخ

أفضل 10 أعضاء في هذا المنتدى
ابو عثمان
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
الصادق الشايب الجيلي
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
admin
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
ملك المريخ
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
ملك الزعيم
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
fox
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
المستشار
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
ابراهيم عوض ادريس محمد
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
هارلم ود فرح
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
بدرالدين عبدالرحمن
كلمات أغاني «مصطفى سيد احمد» Vote_rcapكلمات أغاني «مصطفى سيد احمد» Voting_barكلمات أغاني «مصطفى سيد احمد» Vote_lcap 
تنبيه بموقع الزعيم

عشاق المريخ ||

تم بحمد الله افتتاح منتدي الزعيم السوداني المريخ الاحمر و الوهاج علي الرابط التالي www.alzaeemsd.com .... نتمني من كل الصفوة زيارة الموقع و التسجيل و المشاركة هموم المريخ العظيم مع تحيات ادارة الزعيم دوت كوم

 

 كلمات أغاني «مصطفى سيد احمد»

اذهب الى الأسفل 
3 مشترك
كاتب الموضوعرسالة
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:18 am

عينيك مدن

صلاح حاج سعيد

عينيك مدن
منسية فى كتب التواريخ والزمن
عينيك وطن
مشدود على وتر التباريح والشجن
مشدود على حروف الكتابة
مكدود عَنا .. ومكتول صبابة
وفيهو حطّ النيل .. سكنْ
***********
عينيك سفر
مكتوب أعيش فى غربتو
وأعشق عذابو .. وحُرقَتو
وليلو الطويل
وأتخيـّلك يا حلوة زى نسمة سحر
جيتى ومعاك .. حلمى المطوِّل منتظر .. وعدو الجميل
عشقك زمان .. جوّاى رحل
وإتناهى فى الأعماق .. أمل
ضمخ رؤاى .. إحساس نبيل
أذهل طيوف خاطرى القبيل
.. جاشت ملامحك روعتو
وضجّ السكون .. فى وحشتو
والكان أمل فى عيونى .. لاح
ذوب مدارات فرحة الوهج النضير
المزدهر .. بالإرتياح
.. فجأة إنحصد قبضة رياح
وسكت الكلام يا حلوة .. فى القول المباح
وغام الصباح .. بعدِك رحل
**********
والكان أمل فى غيم سماك .. أيقنت إنـّو عدم بلاك
وإنـِّك قدر
وإنـّو البيحلم بى عُلاكْ
بختار ظروف أحلاها .. مُر
عينيكى لو تصدق معايا الأمنية
عينيكى .. لو أعرف خِتام الأغنية
بدء الكلام .. والمنتهى .. المستطاب والمشتهى
كل المباهج الفى المواويل .. والغنا
والعاشقيك قلبى .. وأنا
هزتنا فى عينيك تصاوير المنى
يا أمنيات من كم سنة
يا أغنيات كل الأماسى .. المستحيلة .. وممكنة
المستحيل عينيك تهون
البستحيل قلبك .. يخون
ما الغدر ما طبع الوفا
والصدق ما شرط .. إنتفى
وأنا حالى فى بعدك .. كفى
وأنا حالى من بعدك كفاهو ..
المغنى والحب .. والشجن
والوحشة والشوق للوطن
ما العمر قبلك ضاع سدىً
والعمر بعدك أيه يكون
... لو يبقى بى حساب الزمن
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:21 am

سحابات الهموم
عمر الطيب الدوش
**
سحابات الهموم .. ياليل
بكن بين السكات والقول
وباقات النجوم الجن
يعزن فى المطر
فاتن عزاك .. رجعن
وشوق رؤياك زمان مشدود
على أكتاف خيول... هجعن
وصوت ذكراك .. مكان يجرى
يلاقى السيل ...
وسر مدفون بصدر النيل
**
ولولا الذكرى مافى أسف
ولا كان التجنى ... وقف
وصوت ذكراك رزاز صفق
على خطوات بنات .. سجعن
وشوق رؤياك ..
حنين لى رحلة فى المجهول
ولولا الذكرى مافى ..وصول
ولولا الذكرى مافى ..
إصول..
ولولا الذكرى مافى شجن
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:23 am

نفسى فى داخلك أعاين
وأروى روحى وأشوف منابعك
يا سلام
الصحرا فى عينيا تتواثب جناين
ماخدة صوتك من جداول
وما خدة صورتك من كهارب
مولداً ميدانو حافل
كلما يصبـِّح ...
تجيهو الناس جحافلْ
يا سلام .... يا سلام
***
لمـّا تعبرى فى الشوارع
شوفى كيف الناس تصارع
ناس تطفـِّر .. وناس تدفـِّر
فى البشابى على نجومك
وفى البخبْ .. كايس تخومِك
وكل زول من عِنْ سُلافك ..
لا لا .. قال دايرلُو كاسْ
***
مرّة طربان .. شلت صوتك
شان أغنى..
قلت آه ياليل .. وآه
إنتى أول .. وإنتى تانى ..
وإنتى تالت .. وإنتى رابع
نافرة زى صيد الخلا
وصافية زى نبع المنابع
وقلتى لى غناى .. خلاص
***
حلوة عينيك زى صحابى
عنيدة كيف ... تشبه شريحتين
من شبابى
حلوة عينيك زى صحابى
وزى عِنب .. طوّل معتـّق
فى الخوابى
وسمحة زى ما تقول ضيوفاً ..
دقـّوا بابى
.. فرحى بيهم سال .. ملا ..
حتى الكبابى
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:26 am

من بعد ما عز المزار
الشاعر عبد العال السيد

من بعد ما عز المزار

والليل سِها .. وملّت نجومو الإنتظار
والشوق شِرِب حزن المواويل
وإنجرح خاطر النهار
*********
وبقيت أعاين فى الوجوه
وأسأل عليك وسط الزحام .. قُبـّال أتوه
يمكن ألاقى البشبهك
ما الليل براح
والشوق .. تعالى بيندهك
*********
شايلاهو وين النيل معاك
عصفورة جنحاتا النجوم .. وأنا بى وراك
بسأل عليكى مدن .. مدن
وأعصر سلافة الليل .. حزن
بسأل عليك فى المنفى .. فى مرفا السفن
يمكن طيوفك أُخريات الليل تمر
تملا البراحات ..
لى الحزين طول العمر
********
ما نحنا بينا الأمنيات والتضحية
بينا المعزات .. والعذابات فى الحياة
بينا الهوى ..
إخلاص على قلب إنكوى
وكلام قديم
قلناهو آخر الليل .. سوا
إنو راح نتلاقى لو طال النوى
لكن كلامنا الكان .. وكان
خايف يكون شالو الهوا
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:30 am

أسئلة ليست للإجابة

" لسماع الأغنية أضغط على العنوان"
" لحفظها أضغط على العنوان بالزر الأيمن
واختار حفظ باسم Save as " "

ما معنى أن نحيا .. ولا ندرى

بأن العشق قد يبقى سجيناً فى الخلايا

ما معنى أن نشهد موات الأغنيات

ما معنى هذا الصمت الذى لا ينتهى

وبرغم حوجتنا الصراخ

***********

هل يختفى الظل الذى لا ينتمى

إلا لمعرفتى وجهلى

وهل نودع بعضنا ونذهب فى سراب الذكريات

كيف تبدو الذكريات

كيف يبدو طعم أيام الشجن

من يعلم ذكريات كل أشكال التداعى ..

والرحيل المر دوماً

حين يختلط المدى بالمآسى .. والمخاوف

وأحتراق الأمنيات

***********

تعِبٌ هو البرق الذى لا يضيءُ أقبية الخبايا

لا ينتمى للسحبِ ..

والعشبُ الذى لا يرتوى

إلاّ بطعمك يا عصيراً من خليط الدهشةِ الأولي

وأحتراق الأغنيات
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:32 am

الحــزن النبـــيل

وبقيت أغني عليك ..
غناوي الحسرة والأسف الطويل ..
وعشان أجيب ليك الفرح ..
رضيان مشيت للمستحيل
ومعاك في آخر المدى ..
فتيني ياهجعة مواعيدي القبيل ..
بعتيني لي حضن الأسى ..
وسبتيني للحزن النبيل ..
******
ومشيت معاك كل الخطاوي الممكنة ..
وبقدر عليها وبعرفها ..
أوفيت وما قصرت في حقك ولا كان..
عرفة غيرك أصادفها ..
وقدر هواك يجيبني ليك ..
جمع قلوبنا وولفها ..
وكتين بقيتي معاي في أعماقي ..
في أعماق مشاعري المرهفة ..
لا منك إبتدت الظروف ...
لا بيك إنتهت الأماني المترفه
******
ندمان أنا ..
أبداً وحاتك عمري ما شلت الندم ..
ما أصلوا حال الدنيا ..
تسرق مُنية في لحظة عشم ..
وأنا عندي ليك كان الفرح ..
رغم إحتمالي أساكي يا جرح الألم ..
كان خوفي منك جاي .. من لهفة خطاك على المواعيد الوهم
أهوه نحن في الآخر سوى ..
باعنا الهوى...
ماشين على سكة عشم !!
وبقيت أغني عليك ..
غناوي الحسرة والأسف الطويل
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:34 am

أظـنـــــكِ عِـرفتــــــي : جمال حسن سعيد
أظنك عرفتى

عواصفك مهبـّى

أبارى فى خيالك .. يسوقنى ويودّى

ونهرك يعدى

ويجهل مصبّى

هواجسى البتزرع

وظنـّى البربى

****

لقيتك خواطر

بتصحى .. وتساور

وطيفك يزاور

وروحك تحاور

وروحك تحاور

موشـّح أساور

أقول بس نسيتك

وجرحك .. يتاوِر

****

أظنك عرفتى عذاب المغنى

وطبلو المجدّع

شظايا التمنى

حروفو البتجزع

فى لحظة تجنى

خطاهو البتهرع

متين تطمئنى

****

مسرِّج خيالك .. حصانى القبيل

معربد غبارو

وخلّى الصهيل

مسافر .. مسافر .. وفاقِد دليل

أظنـِّك عرفتى ..

أظنـِّك عرفتى ..
الرجوع الى أعلى الصفحة اذهب الى الأسفل
https://mari.ahladalil.com
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:44 am

عم عبد الرحيم
كلمات : محمد الحسن سالم حميد
------------------------
فتاح يا عليم .. رزاق يا كريم ..
صلى على عجل ..
همهم .. همهمة ..
حصن للعباد ... وهوزز سبحتو
ودنقر للتراب .. هم فوق همهمة ..
صنقع للسما ..
وكان في الجو في غيم ..
وكم نجمات بُعاد ..
وكان الدنيا صيف ..
لا قالتلو كيف ..
كيف أصبحت كيف ..
لا لمسة حنان .. لا لمسة وداد ..
لا رمشة طريف من قلباً وفي ..
زي أيام زمان ..
أيام الدفي ..
وكانت ماها في .. كانت في المراح ..
شدتلو الحمار ..
تحلب في الغنم لي شاي الصباح ..
والطير ما نضم ... ما رسل نغم ..

عم عبد الرحيم أتوكل نزل ..
في المشرع لقى .. زملان الشقى
الجاء من الجريف .. الجاء من الجبل
عل الناس بخير ..
صبح هاظرم
نقنق ناقرم ..
غاظوه ونعل
وعم عبد الرحيم ما يخبر زعل ..
كل الناس هنا ما بتخبر زعل ..
تزعل من منو .. وتزعل في شِنو ..
كل الناس هنا .. كل الناس صحاب ..كل الناس أهل
والماهم قراب .. قربم العمل ..

الطاق اليطق عشت أبو الزمل ..
بالحالة العليك بالفال بالأمل ..
عم عبد الرحيم كُت فلاح في يوم ..
في أيدك تنوم .. على كيفك تقوم ..
لا دفتر حضور .. لا حصة فطور ..
تقرع بالقمر .. تزرع بالنجوم ..
لكن الزمن دوار لا بدوم ...

وعم عبد الرحيم ماشي على الشغل ..
في البال القديم
إتعارض تُكل ..
تنشايح جراح يا 000..
كيف الغسل ..
الدِنيا أم صلاح .. تبدأ من التُكل ..
في حق الملاح .. في اللبس الجديد ..
في القص القديم .. وبيناتن عشم ..
في الفرج البعيد ..

أمونه الصباح قالتلو النعال ..
والطِرق إنهرن ..ما قالتلو جيب
شيلن يا الحبيب .. غشهن النقُلتي والترزي القريب
بس يا أم الحسن ..
طقهن لا بفيد ....
إنطقن زمن ..
وإنطق الزمن لازمك توب جديد ..
وبأياً تمن ..
غصباً للظروف والحال الحرن ..
شان يا أم الرحوم .. ما تنكسفي يوم
لو جارتنا جن .. مارقات لي صفاح
أو بيريك نجاح .. ده الواجب إذن
وإيه الدنيا غير .. لمت ناس في خير
أو ساعة حزن ..

عم عبد الرحيم يا حر ..
ات ماك حر ..
ياريت التمر ياريت لو يشيل كل تلات اشر ..
ولا أيام زمان كانت ما بتمر ..
كان ما جاك هوان وما لاقاك ضر ..
كان لا ضقتي ضيق لا اتغرغر صبر ..
لا شابيت غريق لا طوح فقر ..
وكان ما كان ... وكان اكسيكي در ..

والماهية أُف .. عيشة هاك وكُف
في هذا الزمن .. تُف يا دنيا تُف
يا العبد الشقي .. ما إتعود شكِي
لكن الكفاف فوقك مُنتكي
والسوق فيك يسوق ..حالك ما بتسر ..
إلا كمان في ناس فايتاك بالصبر ..
ساكنين بالإيجار لا طين لا تمر ..
واحدين بالإيجار ما لاقين جُحر ..
سلعتم الضراع والعرق اليخر ..
عمال المدن .. كلات المواني ..
الغبش التعاني ..
بحارة السفن .. حشاشة القِصون ..
لقاطة القطن .. الجالب الحُبال
الفِطن الفرن .. الشغلانتو نار ..
والجو كيف سُخن ..
فرقاً شتى بين .. ناساً عيشا دين ..
مجرورة وتجر ..
تقدح بالأجر .. ومرة بلا أجر ..
عيشن كم هو .. وديشن هانقدر ..

وناساً حاله زين ..
مصنع .. مصنعين ..
طين في طين وين ..
ما مرابه مُر ..
بارد همها .. لا يعرق جبين ..
لا وشاً يصُر ..
عين والله عين ..
كلها كمها .. وعزها هان قدر ..
في الجنة أم نعيم .. في الجنة أم قصُر ..
يا عبد الرحيم إلا وراء القبر ..
ويُلكز في الحُمار .. لا تسرح كُتر
فتاح يا عليم ..
وإن كان القفر يا عبد الرحيم ..
أشبه بالكفر ..

حيكومات تجي .. وحيكومات تغور ..
تحكُم بالحُجي .. بالدجل الكجُور ..
ومرة العسكري كسار الجبُور ..
يوم باسم النبي تحكمك القبور ..
تعرف يا صبي ..
مرة تلف تدور .. ولا تقول برِي ..
أو تحرق بخور ..
هِم يا الفنجري .. يالجرف الصبور ..
كل السمتو مات .. باقي على التمور
وأرضك راقدي بُور ..
لا تيراب وصل .. لا بابور يدور
ونقرط للحمار .. نقريطة الحمار
لا تنسى النعال ..
الطِرقي .. الخضار .. اللبس الجديد
تسريح السفر للماشي الصعيد .. ماشي الديش نفر
والبال إشتغل .. والبال إشتعل بالآبى ما يعيد
الحول ما إشتغل ..
الغُبن الشديد .. السابا ورحل ..
الضيق المحل .. والفرج القريب ..
الجاء وما وصل ..
زي الحال ده يوم لا كان لا حصل .. والبال إشتغل

السكة الحديد يا عمو القطر ..
يا عبد الرحيم قدامك قطر ..
وسال الدم مطر ..
وطارت دمعتين ..وإنشايح وتر
يا طاحن الخبر ما بين القضا ومرحاكة القدر
الشهدوا الدموم .. والدمع الهدر ..
إيدهم في التراب .. والعين في القطر ..
عارفين الحصل .. عارفين في حذر ..
الخبر اليقين بوّخ وإنتشر ..
أطفال القرى وعمال الحضر ..
أدوه الطيور ودنو البحر ..
إنصاعد سحاب وإندافق مطر ..
عم عبد الرحيم في الشارع عَصر ..
لي تاله اليسار متفادي الكجر ..
دورية الكجر .. عربية الكجر ..
جفلت الحمار وطوّح زي حجر ..
وعم عبد الرحيم إتلافا القطر ..

فتاح يا عليم .. سال الدم مطر ..
جرتق للتراب .. منشور بي كتاب ..
روشتة وجواب .. وماهية شهر ..
مفتاح آب غراب .. أورنيكين سهر ..
جنب لبدة حمار مقطوعين ضهر ..
عم عبد الرحيم يا كمين بشر ..
صحي الموت سلام ..
ما يغشاك شر
الرجوع الى أعلى الصفحة اذهب الى الأسفل
https://mari.ahladalil.com
ابو عثمان
استشاري المنتدي
استشاري المنتدي
ابو عثمان


رقم العضوية : 6
عدد المشاركات : 1120
نقاط : 1862
تاريخ التسجيل : 29/12/2007
الأوسمة : المشرف المميز

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالإثنين 02 نوفمبر 2009, 4:41 pm


شهيق

عاطف عوض خيري

نكــــر صــوتك صـــداك ... غــالــطــني الـزمن فيك
شــهرت عــلى الجــفاف ... وعدك بطاقاتنا الخريفيـة
رجــع فاضـي الكــلام مليان ... معــاك إتــبـرجـت غـيـمة
وشهق جوايا صوت جدول ... مـرقت على المطر حفيان
لـقـيـتــك والــرذاذ مــدخـل ...
ونـاديـتـك …
أقـيـفـي مـعاي نشيل كتف الغنى الميل ..
ونتخيل ... ونتخيل حلم دونك بيتحقق ..
وقبلك خيل دماي واقفة علي شرياني تتشهق ..
وبرق صوتك صداك غنيتي ...
D D D D D
رشحت حلقك لي إذاعات الشجر ...
والمنتظر من عودة المدعو المطر ..
وللمسادير و الطنابير ..
واللسة في رحم القصيد ... والدابو هسة وفي سوق عكاظ
بين مزادات الحروف غيبت رسمك وإحتكرتك للظروف
للزمان الجاي واللحظة الفاتت مني هسة ..
يا واقفه بين جرح السحاب وبين شهقة الأرض البكر ..
ما كان ده ريد ..
كان إحتمال تغيير قوانين حركتك ..
ما بين حديثنا ولحظة الفعل الحقيقي ..
وإنتباهك إنت للشارع البيرجع تاني لي نقطة بدايتو ..
و إنحيازك إنت للشارع البيرشح في مسام رمل التوقع ..
وما إتعرف قانون نهايتو ...
غايتوا أمشى في الدرب البطابق ..
فيه خطوك صوت حوافرك ...
يا فرس كل القبيلة تلجموا ..
ويكسر قناعاتا ..
ويفر يسكن مع البدو في الخلا ..
ما برضى غير الريح تجادلهُ وتقنعهُ ..
D D D D D
إفترضتك لون أساسي ...
يمنح اللوحة إزدواجية القراية ..
ويفتح الضوء بين خطوط الريشة والخط الإضافي ..
الجاي من شبكية الزول البشاهد ..
وإكتشفنا الرسمك وأنا برضو التوارد في الخواطر ..
نفس أرقام التذاكر ..
البيها سافرنا وشهدنا ...
إنفجارك في الأرض ..
يا سمرة يا واضحة ..
D D D D D
ما غنيت يوم جيتك صدفة ..
قبل أبداك كان غصنك بشر ..
يوم ما كان إحساسك مسى ..
عرج غيمك فيني ومطر ..
لحظة طار عصفور من صدرك ..
رتب فينا إحساس بالإلفة ..
ودوزن عصب الزمن الأشتر ..
وإتوكلت عليك وقلت ..
المارق منك داخل جرح الوردة ..
وراسم فوقه غناوي الطل ..
المارق منك ...
رجع للغابات العرب العاربة ..
وللعتمور الزنج الهاربة ..
وأدى الكون مفتاح الحل ..
المارق منك ...
شادد عصب الورقة وحرفي وراصد ..
في اللاوعي سكون مواعيد ..
صحوة ... وحلمه... ولونه ..
وشاري يقينك في زندي ...
وسارق لحظة إني أفكر ..
المارق منك ... مارق منك ..
أو مت شهيد ...
D D D D D
ما تتضاري ورى الدعوات ... وما تتلبسي فرح الفات
يسكن فيك النغم الزايف ... ويسرق حاسة شوفنا الواقفة
على رجلين جوانا ..
ونحن الهاويه والمطامن من الأرض ..
آه من نحلك ساعة يرحل ..
ولمن يكتب فينا الحنضل ..
ويختم عمره بفعل الشهد ..
D D D D D
قال الجدول :
طلوع النخلة مرور الريح واحد
لاكين الريح بتعانق حقل ..
ونحنا بنطلع نخلة وننزل ..
ونكتب في ذاكرة الصفق الأخضر ..
سجنا الريح في الورق الأبيض ..
وجهناها ضد التمر الناعس ..
يسقط زي قبعة الحارس ..
زي الكان بيناتنا وفات ..
D D D D D
قالت غيمة (غيمة لئيمة) :
أولاد الشارع فهرس لي كل المدن ..
التهرس جوفك بالأسمنت ..
قالت ريح :
شوف الناس قنديل ..
لو ما نور يحرق كوخ ... وباقي الحلة تنور ..
أو جبة جوخ أو ينزل بوخ ... يقول للنسمة الزايفة أقيفي ..
لو تتفرد ريح ... تتشرد ريح ... ريح الخوف ... لو تتفرد ريح
تبدأ تفرتق ضفائر المدن الكاذبة ... تعيد تسريحتك ..
D D D D D
يوم سمايتك شكل قامتك ..
كيف تموتي وتحي تاني ..
ويوم قيامتك ..
هو البيدينا الثبات ..
يا مجلوبه في قافلة رق ..
ما بستحمل صدرك رصاصة ظلم ..
يا صابت رحم الفال يا قطعت حبل الحلم ..
يا كنا نبيعك يا نسرق ..
إخترنا النار الضلها بيحرق ..
طمناك إنو الدنيا بخشها ضو ..
يجرح جلد العتمة ..
لما الليل قربان فجرك ..
D D D D D
يا بت يا نيل ... يا بت يا نيل ..
لو نامت قمحة على الأبيض ... تتشرد زيه ..
وزاد الأبيض في غية ..
ومدد رجلة اليسرى ..
ما كان الكسرة جاتك من بره .... صفرا ومنكسرة
D D D D D
زوجناك الشهداء أولاد الكد ..
الماتو عشان الشعب ..
زوجناك ما عندك ضرة ..
زوجناك ما جاتك ضرة ..
ما إنشاف ماعونك ... في الحلة يساسق
ويلقى فتات ...
D D D D D
قال الأبيض للأزرق :
يبقى ضد الانتباه ..
وضد تواريخ التمازج

الرجوع الى أعلى الصفحة اذهب الى الأسفل
الصادق الشايب الجيلي
مراقب المنتدي
مراقب المنتدي
الصادق الشايب الجيلي


رقم العضوية : 1
عدد المشاركات : 964
نقاط : 1205
تاريخ التسجيل : 07/12/2007

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالخميس 21 يناير 2010, 7:16 pm

كفر و وتر / الخرطوم /

أطل كسحابة عابرة ابتل بشحيح مائها سطح الأرض، وما يزال باطنها يتوق اليها، رحل كضوء البرق، لم تكد تراه الأعين بوضوح فذهب والجميع في دهشة، وترك أبواب الشجن الاليم مشرعة تعانق الحزن النبيل.
انه الإنسان الراحل المقيم الاستاذ، والفنان المبدع مصطفى سيد احمد المقبول مختار محمد الامين سلفاب، ذلك الفتى المسكون بالابداع، خرج من رحم هذه الارض، والتي إنتمى اليها روحاً وفكراً ومعنى وقضية، حمل هموم اهلها البسطاء وعبر عنهم بأغنياته الصادقة دون زيف وتكلف، (غنى للوطن الحبيبة والحبيبة الوطن)، احب الناس بصدق وبادلوه الوفاء.
ويكفي ماقاله في حق الشعب السوداني عندما سئل ذات مره عن شئ ليقله لعشاقه أثناء رحلة علاجه، بأن يخلد ذكرته العطره فينا الى الابد، و قال( اذا لم أعد من هذه الرحلة عليكم ان تخبروا زوجتي وصغاري وأصدقائي وكل الشعب السوداني، اني عشت فخوراً بهم وكذلك مت فخوراً بهم ).
نعم لم يكن رحيل الفنان مصطفى سيداحمد، عن حياتنا مثل رحيل اي شخص عادي، بل كان لرحيله معنى وطعم مختلفين تماماً، فقد علمنا كيف نتأمل معنى الحضورالبهي في زمن الغياب، وكيف نتذوق طعم الرحيل المر باحساس مختلف .
مصطفى كان ومازال وسيظل حاضراً فينا، بروحه النقية، ومشروعه الانساني الأخضر، وغناهوالطاعم، نعم يامصطفى، مازلت تعلمنا كل عام معنى الحضور، ومازلنا نغني ونغني ونغني، ونردد كل عام مع صديقك الوفي أزهري محمد علي
كل البيوت إتشرفت لي طلعتك
والونسة ماكملت معاك
والقرقراب والقهقهة
مين سمي ترحالك غياب
والغيبة بتزيدك بهاء
يا أقصى حالات الحضور
المنتهي ..يا مشتهي.

محمد جادين

سيرة الراحل..

اسمه مصطفى سيد أحمد المقبول مختار عمر الأمين سلفاب من قرية ود سلفاب، بولاية الجزيرة ولد في العام 1953 م.
قدم جده الأمين سلفاب من شمال السودان ، منطقة الشايقية واستقر جنوب غرب مدينة الحصاحيصا على بعد (7) كيلومتر منها.
كان مزارعا بالفطره ومحباً للزراعة، وله إرتباط قوي بالارض.
درس الأولية والمتوسطة في «المدارس الصناعية» وكان مبرزاً، و جاء ثانى السودان على مستوى الشهاده الفنية لكنه لم يواصل في المدارس الفنية، والتحق بمدرسة «بورتسودان الثانوية» ومنها لمعهد إعداد المعلمين بأم درمان، حيث تخرج فيه وأصبح مدرساً بالمدارس الثانوية العامة.
إلى جانب ما اشتهر عنه من ممارسته لهواية الغناء ، أيام دراسته بمدينة بورتسودان ، كان موهوباً فى مجال الشعر، والرسم وفنون التشكيل، وعندما لم يسمح له اثناء عمله بالتدريس بالإلتحاق بمعهد الموسيقى والمسرح قدم إستقالته وعمل فترة قصيره مصمماً للأقمشة بمصنع النسيج ببحري.
إلتحق بمعهد الموسيقى والمسرح وأكمل خمس سنوات بقسم ا لموسيقى « قسم الصوت « إلاّ أنه لم ينتظر حتى ينال شهادته الأكاديمية
متزوج وله طفلان «سامر وسيد أحمد» له من الأخوات سبع وشقيق توفى عام 1970 اسمه المقبول وهو شاعر غنى له مصطفى (السمحة قالوا مرحلا).
عانى من داء الفشل الكلوي والذي إستمرمعه لـ(15) عاماً، أجريت له عملية لزراعة الكلى بروسيا في أواخر الثمانينيات إلا أنه تعرض لإنتكاسة جديده بداية عام 1993 بالقاهره، وإنتقل منها للعلاج بالدوحة، حيث ظل هناك يباشر عملية الغسيل الكلوي ثلاث مرات في الاسبوع الى أن توفاه الله مساء الاربعاء 17 يناير 1996 م.

شعراء مصطفي

غنى مصطفى لعدد كبير من الشعراء، ولون الدنيا ابداعاً وفناً بكلماتهم الانيقة ومفرداتهم الحديثة والتي لم تكن مألوفه للكثيرين في وقتها ولكن بصبره وإيمانه بقضيته، وفنه ومشروعه الإنساني اجبر الناس للدخول الى (مشروع الحلم الفسيح) وحفر اسمه في دفتر الحضور متحدياً أزمان الغياب، وغنى لمحمد الحسن سالم حميد، ومحمد طه القدال، وازهري محمد علي، وصلاح حاج سعيد، ومحجوب الحاج، ومدني النخلي، وجمال حسن سعيد، ومحمد مريخا، ويحى فضل الله، وخطاب حسن احمد، وعبد العزيز العميري، ونجاة عثمان، وعبد الرحيم ابوذكرى، وعبد العال السيد، وابو ذر الغفاري، وعاطف خيري، ومظفر النواب، وتاج السر الطيب،وهاشم صديق، وبشرى الفاضل، وعمر الطيب الدوش، وعبدالقادر الكتيابي، والفرجوني، واخيه المقبول، وفيصل محمد صالح،وحسن بيومي، والصادق المرضي، وآخرين.
الرجوع الى أعلى الصفحة اذهب الى الأسفل
https://mari.ahladalil.com
fox
عميد ذهـــبــي
عميد  ذهـــبــي
fox


عدد المشاركات : 286
نقاط : 388
تاريخ التسجيل : 16/07/2009
الأوسمة : المشرف المميز

كلمات أغاني «مصطفى سيد احمد» Empty
مُساهمةموضوع: رد: كلمات أغاني «مصطفى سيد احمد»   كلمات أغاني «مصطفى سيد احمد» Emptyالسبت 23 يناير 2010, 9:51 pm

رحم الله الرائع مصطفى
الرجوع الى أعلى الصفحة اذهب الى الأسفل
 
كلمات أغاني «مصطفى سيد احمد»
الرجوع الى أعلى الصفحة 
صفحة 1 من اصل 1
 مواضيع مماثلة
-
» احمد محمد احمد:رذاذ الحروف قرار منطقي!!
» أغاني الفنان الأسطورة محمد الامين
» د. مصطفى يرحب بزيارة الوفد الصيني

صلاحيات هذا المنتدى:لاتستطيع الرد على المواضيع في هذا المنتدى
عـشـاق المــريــــخ 1908 (عــالــم جــمــيل) :: المنتديات العامة :: $# منتدي النثر والشعر والمرح #$-
انتقل الى: