• أولاً أعتذر عن الغياب لأسباب خارجه عن الإرادة
• برغم أن يوم 27 نوفمبر كان يوماً رائعاً
• ويشجع على الكتابة للصباح
• كيف لا
• وهو صادف عيد ميلاد الزعيم
• والتقينا فيه بمجلس المريخ متفاكرين
• وفيه أعلن الوالي قطع الإجازة والعودة
• وفيه التقينا بصفوة الشفوت في لقاء آخر ليلاً
• تفاكرنا في أمور الحبيب
• المريخ
• وكان يصادف الخامسة
• خامسة راجي
• تمت في ذلك اليوم خمسة يوم
• بالتمام والكمال
• والليلة تمت سبعة
• الليلة السابعة
• عازمنكم الخمسطاشر
• والصدقة
• وعازمنكم الأربعين
• والستة وخمسين
• تعالوا ما تخجلوا
• أها
• الليلة الحلقة الأخيرة من المسلسل
• مسلسل سمية والتومة
• وقفنا لما جات سمية داخلة مكتب الأسر البديلة
• وعينها وقعت في عين التومة
• موسيقى تصويرية
• دنق دششششششششششش
• مشهد جديد
• نهاري خارجي
• حديقة ناس الأسر البديلة
• وتبدو الأشجار وارفة الظلال
• والميادين منجلة
• التومة وسمية تسيران في صمت
• سمية تلتفت الي التومة
• وتقول بصوت خافت وحنون
• التومة ........ كل شيء من الله ... ارضي بالمقسوم .. ولو ختيتي الرحمن في قلبك ولدي يا هو ولدنا الاتنين ببقى لينا شجرة نقيل في ضلها كلما كبرنا , وأنا متأكدة ما بفرزك مني .... تعالي نربيهو سوا
• التومة تتوقف
• تعدل توبها في عجلة
• ( تحدر لسمية )
• وتقول
• انتي قايلاني محتاجة لولدك ولا قايلة ولدك ذاتو مالي عيني , أنا لو كنت دايرة ولادة من طرف سااااااي زي ولدك ده كان جبت مية بدل الواحد .... أنا بحلم بي ولدي المحبب , يبقى لي يا يمة دكتور قدر الدنيا
• سمية قالت
• ولدي في تالتة صيدلة , والطب والصيدلة ما بعيدات من بعض , اسمعي نصيحتي يا التومة
• التومة بانفعال
• قلت ليك زي ولدك ده ما بلزمني , انا ام الدكتور , يا أجيب ولد يطلع دكتور يا بلاش , وحا اجيبو يا سمية
• سمية ( تلفت شفايفها يمين وشمال )
• وتقول
• خلاص لما تلديهو عليك الله سميهو راجي ولما يتخرج عليك الله كلميني , اليومين دي شاعرة لي بي نزلة شدييييييييييييدة , وحالفة غير ولدك يا التومة ما يعالجني دكتور ,دكتور راجي وبس
• وتذهب
• يدخل ابن سمية
• ينده عليها
• يما ..... يما ..... يما
• سمية تذهب إليه
• تحضنه
• يقبل جبينها
• كلوز للتومة (محروقة ) من المشهد
• التومة لنفسها
• انت غير نفختك الفارغة دي ما في شيء جهجهك
• قال دكتور قال
• موسيقى
• النهاية
• أها
• تمنياتنا لفريقينا بتقديم عروض وإحراز نتائج جيدة
• في سيكافا
• وفي الخرطوم
• هي تظاهرة تجعلنا قبلة الدنيا هذه الأيام
• يجب أن تنجح الفعاليات
• على جميع المستويات
• وأهم المستويات مستوى المتابعة الجماهيرية
• وقد تكون فرصة جيدة لاكتشاف خامات افريقية تصلح للاحتراف عندنا
• نستفيد منها عند التكميلية
• بالرغم من أن وارغو راجع في التكميلية
• لكن هي فرصة لإخواننا
• أكيد حايحتاجوا في التكميلية
• ناس باري ديل ما بتباروا كتير
• المهم
• الإحلال والإبدال في كشف الزعيم يطمئن
• وصدقوني
• أحس هذه الأيام بنفس الإحساس الذي أحسست به قبل شهرين من مقابلة البنزرت التونسي
• لما قابلناهو أول زول في الجعرانية بتاعت مانديلا
• كان وشو حلو
• من ديك وعيك
• للكأس
• التميز الياهو
• لليلة
• اليوبيل الفضي جا
• معزومين
• يا ربي ما في طريقه نخت كاساتنا الجوية في معرض نفرج فيهو ضيوف البلاد من أهل الرياضة ؟
• ما تخافوا
• ما بنقول جبناها كلها برانا
• بنكتب هذه الكاسات حصلنا عليها أنا و الكاشف أخوي
• عازمنكم تميز
• بالمناسبة
• إن شاء الله الاحتفالية تكون رائعة
• ما بنرضى بأقل من روعة سيكافا التي نظمها الزعيم
• اتذكر اليوم داك كان في فقرة تم فيها تكريم جيل مانديلا
• الإذاعة الداخلية للاستاد قالت والآن مع أبطال الجويات جيل مانديلا
• إسلام كانت معاي
• قالت لي يا بابا يعني لو الهلال نظم سيكافا السنة الجاية الفقرة دي بتكون محذوفة !
• عليكم الله شوفوا البت دي !
• بالمناسبة
• مهند الطاهر الغزال بالأحمر رائع جداً
• شفتوهوا بي شعار الفريق القومي
• يا غزال ايه رأيك تحمر على طول ؟
• غداً إن شاء الله الحلقة البعد الأخيرة من مسلسل التومة
سلك كهربا
نحنا ما الناس البتنسى وانت ما الزول البتنسي
والى لقاء
سلك
(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]
الجمعة 22 مايو 2020, 5:30 am من طرف المستشار
