الكونفدرالية نورت
* تسخاني الماسورة
* اتنين كانوا مختلفين
* الأول قال كرنقو طويل
* التاني قال كرنقو قصير
* اختلفو اختلاف كبير..
* واحد عاقل قال ليهم اسألوا بلة جابر عن مقاس كرنقو
* بلة يا بلة..
* طمبل ده المفروض نشيل منو المليار
* نحنا سجلناه لاعب كورة.
* كل مرة يشربك لينا الزول في الشبكة
* صياد انت يا طمبل؟
* طبعاً الكاس وديناه (الدراي كلين)
* .... (نبز) الباشا
* حكم.
* الموضوع ده بنرجع ليه بالروقة
* اسلام لما شافت مرق واقع بره الشبكة وعزو مشربك في الشبكة ضحكت
* قالت لي يا بابا القون بتاع الشربكة ده معاد
* نشيد طمبل الجديد نزل السوق
* بقول طمبليكا طمبليكا مشى منك وما بجيكا
* طمبليكا طمبليكا مشى منك وكل يوم يأزيكا
* ودقي يا مزيكا..
* هدف طمبل للأمانة أبدع فيه بلة وكرنقو وايداهو وداريو ومرق وعزو.
* قون بالجملة
* من أجمل التعليقات التي سمعتها لما قال لي مزمل ده العفو عند المقدرة في المقبرة.
* العجب ليس محل للإساءة بأي حال من الأحوال
* ما تخلونا (ندق الصفائح)
* تشوتوا قارورة تشوتوا (مزيرة) انتو حرين
* الا العجب.
* الـ .... ينبح والعجب ماش.
* قال لي الغزالة ما قلبت الهوبا ليه ؟
* قلت ليه غزالة مقبوضة من قريناتها تفرفر وين تاني
* ال’ربعين مليون حافز لكل لاعب ما حافز تسجيل.
* المفلسين قايلنها حافز تسجيل؟
* السنة الجاية الممتاز وارقو لاعب.
* قال الوالي استقال..
* قلت ليه ووارقو الجابو ده البستلم منه الكاسات منو ؟
* قرعة أفريقيا طلعت.
* الجماعة وقعوا في تمهيدي الكونفدرالية ضد كوارا.
* والمباراة الأولى هنا
* الكونفدرالية نورت بالجماعة.
* بيتكم ومطرحكم..
* الخوف الحمام من التمهيدي يطير.
* يا محمد عبد الماجد أجيب ليك معاي شنو من اليابان ؟
* طبعاً كأس السودان ملك حر
* السنة دي تشيلوا شيلتكم بس
* تسخاني الماسورة
* جيروا الاستاد.
* واشتروا لاعبين صغار السن كبار الموهبة
* كان ماعندكم قولوا الروووب .
* بنديكم باولينو والزهرة وناتالي.
* عاين ديل صدقوا.
* غدا سنعود بالتفصيل.
* الترجمة على الشريط .
* أعدها أستاذ كبير من معهد الصم والبكم.
* أخصائي قراءة الشفايف.
* تسخاني الماسورة.
(رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ) [البقرة/286]
الجمعة 22 مايو 2020, 5:30 am من طرف المستشار
